ពិតជាអស្ចារ្យមែន លោកសូ សុខុម បម្រើការងារមន្ត្រីរាជការផង ឆ្លៀតបើកសាលាឯកជនផង តើលោកខុសសហលក្ខន្តិកៈនៃមន្ត្រីរាជការស៊ីវិលដែរឬទេទាន?

ខេត្តកំពត ស្រុកដងទង់ ៖ថ្មីប្លែកៗទៀតហើយ ស្រុកដងទង់ខេត្តកំពត លោក សូរសុខុម លោកត្រូវបានគេដឹងថា ជាមន្ត្រីរាជការនៃសាលាស្រុកដងទង់ បច្ចុប្បន្ននេះលោកកាន់មុខតំណែងជានាយករដ្ឋបាលសាលាស្រុកដងទង់ទៀតផង  អ្វីដែលគេចាប់អារម្ភនោះ លោកត្រូវបានដឹងថា លោកបើកសាលាឯកជនមួយដែលមានស្លាកយ៉ីហោថា (CIS)ហើយលោកមានតួនាទីជានាយកសាលាមួយនេះផងដែរ

មហាជនដាក់ជាចម្ងល់ថា តើតំណែងទាំងពីរនេះ អាចផ្ទុយទៅនឹងច្បាប់សហលក្ខន្តិកៈ នៃមន្ត្រីរាជការស៊ីវិលដែរឬទេ?

ពាក់ព័ន្ធនឹងករណីនេះ អង្គភាពសារព័ត៌មានយើងព្យាយាមទំនាក់ទំនងទៅលោក អុប ប៊ុនណាង ប្រធានមន្ទីរ មុខងារសាធារណៈដែរ តែពុំមានការឆ្លើយតប! អង្គភាពយើងនិងព្យាយាមលម្អិតព័ត៌មាននេះនៅពេលក្រោយ។