ដំណឹងមរណៈភាពមេបញ្ជារងខេត្តកំពត

ដំណឹងមរណៈភាព យើងខ្ញុំត្រូវជាប្រពន្ធ ត្រូវជាកូនចៅ ត្រូវជាបងប្អូនបង្កើតក្នុងគ្រួសារទាំងអស់ មានទុក្ខជាទម្ងន់ ដោយលោកវរសេនីយ៍ឯក សែម សឿន មេបញ្ជាការង ទទួលផែនសន្តិសុខនៃទីបញ្ជាការដ្ឋានកងរាជអាវុធហត្ថខេត្តកំពត បានទទួលមរណៈភាពក្នុងជន្មាយុ៥៩ឆ្នាំដោយរោគាពាធ សូមបញ្ជាក់ថា លោកសែម សឿន បានទទួលមរណៈភាព កាលពីវេលាម៉ោង១១និង៣៥នាទី យប់ថ្ងៃពុធ៣កើត ខែអស្សុជ ឆ្នាំខាល ចក្វាស ព ស ២៥៦៦ ត្រូវនិងថ្ងៃទី២៨ ខែកញ្ញា ឆ្នាំ២០២២ ដំណឹងនេះសូមទួលថ្វាយ និងជំរាបជូនសម្តេច ទ្រង់ អ្នកអង្គម្ចាស់ ឯកឧត្តម លោកជំទាវ លោកឧកញ៉ា អស់លោក លោកស្រី និងញាតិមិត្ត ជិតឆ្ងាយទាំងអស់ទ្រង់ជ្រាប និងមេត្តាជ្រាបជាព័ត៌មាន។

កម្មវិធីនៃបុណ្យសព បានរៀបចំប្រារព្វធ្វើឡើងនៅគេហដ្ឋានរបស់លោក ដែលស្ថិតនៅភូមិទ្វីខាងត្បូង សង្កាត់អណ្តូងខ្មែរ ក្រុងកំពត ខេត្តកំពត។