ពិតជាកក្រើកឋានកណ្តាលមែន ភ្ញៀវទេសចរណ៍ជាង៨៦ម៉ឺននាក់ ក្នុងរយៈពេលតែ៣ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរសម្រាប់ខេត្តកំពត

ថ្ងៃចេញផ្សាយៈ ខែ​មេសា 17, 2023

ខេត្តកំពត៖ ឯកឧត្តម ម៉ៅ ធនិន អភិបាលខេត្តកំពតបានមានប្រសាន៍ថា រយៈពេល៣ថ្ងៃ ចាប់ពីថ្ងៃទី១៤-១៦ ខែមេសា ឆ្នាំ២០២៣ ខេត្តកំពតទទួលបានភ្ញៀវទេសចរណ៍សរុបចំនួន៨៦៦,៦៦៦នាក់ ក្នុងនោះដែរភ្ញៀវអន្តរជាតិមានចំនួន៣,៧៣៣នាក់។ 

ពោលចាប់ពីថ្ងៃទី១ សរុបចំនួន៩៤,៥៦៧នាក់ ក្នុងនោះអន្តរជាតិ៧៧៧នាក់។ 

ដោយឡែកថ្ងៃទី២ ភ្ញៀវទេសចរណ៍សរុបចំនួន៤០២,៤៤២នាក់ ក្នុងនោះដែរ អន្តរជាតិ១,៦១៦នាក់ និងថ្ងៃទី៣ សរុបចំនួន៣៦៩,៥៦៧នាក់ ក្នុងនោះដែរអន្តរជាតិ១,៣៤០នាក់

ឯកឧត្តមអភិបាលខេត្តបានបន្តថា ភ្ញៀវទេសចរដែលមកសម្រាកកម្សាន្តតាមរមណីយដ្ឋាន សហគមន៍ទេសចរណ៍ គោលដៅទាក់ទាញទេសចរណ៍ និងប្រជាពលរដ្ឋចូលរួមសង្រ្កាន្តក្នុងក្រុងកំពតមានចំនួនសរុប៣៦៩,៦៥៧នាក់ រួមនឹងភ្ញៀវអន្តរជាតិ១,៣៤០នាក់។ ចំណែកភ្ញៀវទេសចរតាមរមណីយដ្ឋាន សហគមន៍ទេសចរណ៍ និងគោលដៅទេសចរណ៍នានាចំនួន៥២,៥៩៧នាក់ ក្នុងនោះភ្ញៀវអន្តរជាតិ៦១២នាក់។

ឯកឧត្តម ម៉ៅ ធនិន បានបន្តទៀតថា ភ្ញៀវទេសចរ និងប្រជាពលរដ្ឋចូលរួមកម្សាន្តសប្បាយសង្រ្កាន្តក្នុងក្រុងប្រមាណ៣១៧,០៦០នាក់ ក្នុងនោះភ្ញៀវអន្តរជាតិ៧២៨នាក់៕