ប្រជាពលរដ្ឋជាច្រើនបាននាំយកចង្ហាន់​និងបច្ច័យទៅប្រគេនព្រះសង្ឃនៅវត្តអង្គខ្នារ ហៅហៅវត្តឫស្សីស្រុកនៅថ្ងៃភ្ជុំបិណ្ឌ

ខេត្តកំពត៖  នៅព្រឹកថ្ងៃ  អាទិត្យ ១៥រោច ខែភទ្របទ  ឆ្នាំ ខាល ចត្វាស័ក  ព-ស ២៥៦៦ ត្រូវនឹងថ្ងៃទី ២៥ ខែ កញ្ឋ្ញា ឆ្នាំ ២០២២នេះ  ប្រជាពលរដ្ឋដែលរស់នៅក្នុងឃុំប្ញស្សីស្រុកខាងកើត និងឃុំប្ញស្សីស្រុកខាងលិច​ក្នុងស្រុកកំពង់ត្រាច នៃខេត្តកំពត​បាននាំយកចង្ហាន់និងបច្ច័យមកប្រគេនដល់ព្រះសង្ឃក្នុងថ្ងៃភ្ជុំបិណ្ឌនៅវត្តអង្គខ្នារ​ហៅវត្តឫស្សីស្រុកដើម្បីឧទ្ទិសកុសលជូនដល់មាតាបិតា ជីដូនជីតា និងបុព្វការីជនដែលបានចែកឋានទៅហើយនោះ​ដើម្បីមកទទួលមគ្គផលកុសលផលបុណ្យ និងឲ្យពរជ័យដល់កូនចៅ។​

គួរបញ្ជាក់ផងដែរថា ពិធីបុណ្យភ្ជុំបិណ្ឌ​ជាពិធីបុណ្យសាសនាមួយធំជាងគេ​ដែលពលរដ្ឋខ្មែរកាន់សាសនាព្រះពុទ្ធតែងតែប្រារព្ធធ្វើជារៀងរាល់ឆ្នាំមិនថាតែពលរដ្ឋនៅក្នុងស្រុកកំពង់ត្រាចនេះទេ​ពោលគឺពលរដ្ឋខ្មែររស់នៅទូទាំងប្រទេស និង
នៅក្រៅប្រទេសដែលពួកគាត់មានជំនឿ​លើសាសនាព្រះពុទ្ធគឺពួកគាត់ត្រូវតែប្រារព្ធធ្វើ។​

នៅក្នុងពិធីនេះ ក៏មានវត្តមានប្រជាការ​ពារនិងកម្លាំងនគរបាលប៉ុស្តិ៍មកជួយការពារសណ្តាប់ធ្នាប់ជូនដល់ប្រជាពលរដ្ឋផងដែរ៕
             (ដោយៈ នាក់ អ៊ួន )។