ប្រជាពលរដ្ឋជាច្រើនបាននាំយកចង្ហាន់​និងបច្ច័យទៅប្រគេនព្រះសង្ឃនៅវត្តកំពត ក្រុងកំពត នាថ្ងៃភ្ជុំបិណ្ឌធំ១៥រោច

ខេត្តកំពត៖  នៅព្រឹកថ្ងៃ  អាទិត្យ ១៥រោច ខែភទ្របទ  ឆ្នាំ ខាល ចត្វាស័ក  ព-ស ២៥៦៦ ត្រូវនឹងថ្ងៃទី ២៥ ខែ កញ្ឋ្ញា ឆ្នាំ ២០២២  ប្រជាពលរដ្ឋដែលរស់នៅក្នុងក្រុងកំពត ខេត្តកំពត​ បាននាំយកទេយ្យទាន ចង្ហាន់និងបច្ច័យមកប្រគេនដល់ព្រះសង្ឃក្នុងថ្ងៃភ្ជុំបិណ្ឌធំ នៅវត្តកំពត ក្រុងកំពត ដើម្បីឧទ្ទិសកុសលជូនដល់មាតាបិតា ជីដូនជីតា និងបុព្វការីជនដែលបានចែកឋានទៅហើយនោះ​ដើម្បីមកទទួលមគ្គផលកុសលផលបុណ្យ និងឲ្យពរជ័យដល់កូនចៅ។​

គួរបញ្ជាក់ផងដែរថា ពិធីបុណ្យភ្ជុំបិណ្ឌ​នេះ ជាពិធីបុណ្យពុទ្ធសាសនាមួយយ៉ាងធំ ជាងគេ​ដែលពលរដ្ឋខ្មែរកាន់សាសនាព្រះពុទ្ធតែងតែប្រារព្ធធ្វើជារៀងរាល់ឆ្នាំ មិនថាតែពលរដ្ឋនៅភូមិឃុំ ស្រុកខេត្តណាទេ ពោលគឺពលរដ្ឋខ្មែររស់នៅទូទាំងប្រទេស និង
នៅក្រៅប្រទេស ដែលពួកគាត់មានជំនឿ​លើសាសនាព្រះពុទ្ធគឺពួកគាត់ត្រូវតែប្រារព្ធធ្វើជារៀងរាល់ឆ្នាំ។​

នៅក្នុងពិធីនេះ ក៏មានវត្តមានប្រជាការ​ពារ និងកម្លាំងនគរបាលប៉ុស្តិ៍មកជួយការពារសណ្តាប់ធ្នាប់ជូនដល់ប្រជាពលរដ្ឋផងដែរ៕