កំណើនភ្ញៀវទេសចរណ៍មកកម្សាន្តខេត្តកែប កាន់តែច្រើនឡើងៗ ក៏ប៉ុន្តែមហាជននៅតែរិះគន់អាជ្ញាធរថា អាជីវករក្រាលកន្ទេលលើឃឿនសាធារណៈរបស់រដ្ឋមាត់ឆ្នេរ ធ្វើអាជីវកម្មដដែល

 

ខេត្តកែប​,៖នៅថ្ងៃទី​២៥ ខែកញ្ញា​​ ឆ្នាំ​២០២២​​ ត្រូវនឹង​ថ្ងៃពិធីបុណ្យភ្ជុំបិណ្ឌ​ ប្រពៃណីខ្មែរ តាមបែបព្រះពុទ្ធសាសនានិយម សម្រាប់ខេត្តកែប​ បន្ទាប់ពីស្ថានភាពរៀងធូស្បើយមក គេសង្កេតឃើញថា ភ្ញៀវទេសចរជាតិ​ និងបរទេស​ ដែលបានអញ្ចេីញមកសម្រាកលម្ហែកម្រាន្តនៅតាមបណ្ដាលរមណីដ្ឋាននានាទូទាំងខេត្តកែប​ ក៏មិនខុសពីថ្ងៃទី២៤~២៥ដែរ​។

ដោឡែកបើយោងតាមរបាយការរបស់មន្ទីរទេសចរណ៍ខេត្តកែប បានបញ្ជាក់ថា ថ្ងៃ២៥នេះ ខេត្តកែប​ បានទទួលភ្ញៀវទេសចរសរុប មានចំនួន​ ៣៩,២៤៨នាក់​ ក្នុងនោះ​ ភ្ញៀវជាតិ​ចំ​នួន​ ៣៨,៨៥៨នាក់​ និងភ្ញៀវទេសចរបរទេសចំនួន​ ៣៩០នាក់​ សម្រាប់រថយន្តសរុបមានចំនួន​ ៤,២៧៥គ្រឿង​ ក្នុងនោះរថយន្តតូច​ចំនួន​ ២,៦៥៥​ គ្រឿង​ រថយន្ដ​មធ្យម​ចំនួន​ ១,៥៧៦គ្រឿង​ និងរថយន្តធំចំនួន​ ៤៤គ្រឿង​៕

ដោយឡែកចំពោះសណ្តាប់ទីសាធារណៈត្រូវបានគេមើលឃើញថា មានភាពល្អប្រសើរ ដោយមានការយកវិត្តទុក្ខដាក់ពីឯកឧត្តមអភុបាលខេត្ត កម្លាំងកងរាជអាវុធហត្ថនិងសមត្ថកិច្ច បានត្រៀមលក្ខណៈធ្វើសណ្ដាប់ធ្នាប់ចរាចណ៍នៅទីប្រជុំជន ដើម្បីកាត់បន្ថយការកកស្ទះចរាចណ៍តាមដងផ្លូវសាធារណៈមាត់ឆ្នេរ និងតាមគោដៅទីកន្លែងរមណីយដ្ឋាននានាក្នុងខេត្តកែប

ទន្ទឹងនិងកំណើនភ្ញៀវទេសចរណ៍កើនឡើងជាបន្តបន្ទាប់នេះដែរ ខេត្តកែបក៏នៅតែមានមតិមហាជនរិះគន់រឿងក្រាលកន្ទេលយកលុយយ៉ាងអនាធិបតេយ្យនៅតាមបណ្តោយមាត់ឆ្នេរ ដែលជាទម្លាប់អាក្រក់ធ្វើអោយបះពាល់មុខមាត់អាជ្ញាធរ ខេត្តកែប ដែលកន្លងមក ឯកឧត្តមសោម ពិសិដ្ឋ អភិបាលខេត្តកែប ធ្លាប់មានប្រសាសនាថា ឯកឧត្តម និងខិតខំកែលម្អសោភ័ណ្ឌភាព តាមបណ្តោយ មាត់ឆ្នេរអោយល្អ មិនអនុញ្ញាតអោយអាជីវករក្រាលកន្ទេលទីសាធារណៈរបស់រដ្ឋយកលុយពីភ្ញៀវនោះឡើយ។

ជាមួយគ្នានោះដែរ លោក ខេង យ័ន អភិបាលក្រុងកែប ដែលនិងទើបឡើងតំណែងថ្មី ក៏លោកបានសន្យាជាមួយអ្នកសារព័ត៌មានថា អ្វីដែលចាប់អារម្មណ៍នោះ គឺរៀបចំសណ្តាប់ធ្នាប់ទីសាធារណៈនេះដែរ ក៏ប៉ុន្តែរហូតមកពេលនេះ មហាជនក៏ដូចជាភ្ញៀវទេសចរណ៍ជាតិ បានមើលឃើញថា អាជីវករមួយចំនួននៅតែបន្តទម្លាប់ចាស់ដដែរ ដោយក្រាលកន្ទេលយកលុយពី ចាប់ពីផែស្រីសរ រហូតមកដល់រូបនិមិត្តក្តាម ហើយក្រុមអាជីវករទាំងនោះ នៅតែបន្តរត់ហៅរថយន្តភ្ញៀវអោយចូលកន្លែងខ្លួន ដែលហេតុបង្ហាញអោយមហាជនមើលឃើញថា អាជីវករទាំងលើមិនគោរពតាមសេចក្តីណែនាំរបស់អាជ្ញាធរឡើយ។